Top10 WordPress Plugins : Agar aap sab log apni website WordPress pe host karte hain or apni website ke liye Perfect plugins dhund rahen hain to yeh Article aapke liye hi hai. Aaj hum aap logo ke liye le kar aaye hain Top Plugins jinki help se aap apni website ko professional look de sakte hain.

Top10 WordPress Plugins

Agar aap latest version of WordPress pe hain to shayad inme se kuch plugins aapke website pe kaam na Karen par tension mat lo, apan uska bhi ilaaz le kar aaye hain. In plugins ko kahi se download karne ki zarurat nahi hai, aap ise sidhe wordpress Dashboard > Plugins > Add Plugins me ja kar install kar sakte hain!Top10 WordPress Plugins Jo Aapke Blog Ko Behatar Banati hai

Yoast SEO

Agar Aap On Page SEO ke Liye koi Plugin Talaash rahen hai to Yoast SEO aapki help kar sakta hai. 100 me se 99 log jo wordpress par apni website ko host karte hain vo Yoast Seo  ka istemal karte hain. Kuch log Free Version se kaam chalate hain to kuch log Paid Version buy karte hain. Yoast SEO aapki Sari mistakes jo aap SEO set karte waqt karte hain unhe sudharne me help karta hai. Agar aap ek begineer hain to bhi Yoast aapko vo sab sikha dega jo koi expert sikhata hai.

WordPress Plugins Jo Aapke Blog Ko Behatar Banati hai

Elementor

Yeh ek aisa plugin hai jo aapko Custom page Design karne me help karta hai. Iski help se aap apne page ko jaisa chahe waisa design kar sakte hain. WordPress pe jo edits possible nahi hain vo aap is plugin ke madad se kar sakte hain. Moving Images se le kar, Slideshow etc sab kuch is plugin ki help se lagaya ja sakta hai. Acchi news ye hai ki iske liye aapko Codings ki Koi Knowledge na bhi ho to kam ban jata hai or website professionalism show karne lagti hai. { WordPress Plugins }

Buddypress

Agar aap log apni khud ki Social Networking website banana chahte hain jisme Chatting se le kar groups tak sare options available hon, to yeh plugin apke liye bilkul perfect hai. Iski madad se aap apna khud ka facebook, snapchat, Twitter jaisa network bana sakte hain. Isme aapko vo sare options mil jate hain jo Social Network website ke liye important hain. Private chat se personal chats sab options available hain. Agar aap blue tick verified  Users banana chahte hain to aap “Buddy Verified” naam ki plugins install or activate kar sakte hain.

Jetpack WordPress Plugins

Kayi baar aap sochte honge ki kash aap wordpress posts apne Mobile se kar patey. Baar baar posts update karne ke liye baar baar laptop ya pc ka kholna bahot mushkil ho jata hai. Aap humesha laptop sir pe rakh kar nahi chal sakte. Isliye aap Jetpack plugin ki madad se apne website ko Mobile WordPress se connect kar sakte hain or posts directly apne mobile se daal sakte hain.

Post View Counter

Agar aap apne visitors ko aapke post pe aaye visitors ka number batana chahte hain to yeh plugin aapki help kar sakti hai. Is ke help se aap fake view count bhi show kar sakte hain, or aisa karne se logo ko lagta hai ki aapki website popular or genuine hai jis se logo ka bharosa aapke upar badhta hai or aapke visitors baar baar aapke website par visit krte hain or ReturnRate badhta hai.

WordPress Plugins Woo-Commerce

Agar aapka plan hai ek E-Commerce website banana ka to yeh plugin aapke liye hi hai. Aapko isme payment gateway se le kar sare options mil jaatey hain. Product adding or Checkout tak sab kuch bade asaani se ho jata hai. Woo Commerce ke sath bahot se external patch up plugins bhi aati hai, to agar aap E-Com website ko le kar serious hain to Woo Commerce se related sari researches Karen. Iske liye best medium Youtube hai. Youtube se aap Woo Commerce ki sari working 10 min ke video se samjh jayenge!

Social Share

Agar aap chahte hain ki aapke visitors aapke posts ko facebook or twitter jaise platforms par share kar payen, to is plugin ka hona behad important hai.

Contact Form Wordpress Plugins

Agar aap apne visitors se unse related koi bhi data lena chahte hain to aap unko Contact fill karwane ke liye is Plugin ka istemal kar sakte hain. Aap Template use kar sakte hain ya apne khud ke Contact form Taiyar Kar Sakte hain! Contact form business websites ke liye bahot zururi hai. Is se aap apne subscribers ki info ek jagah par ikkhata kar sakte hain.

Google Analytics

Agar aap Google Analytics baar baar na khol kar sara data apne wordpress ke dashboard pe dekhna chahte hain to Yeh Plugin aapke liye best hai. Aap is plugin ki help se Visitors count, Bounce rate or aisi har details pata kar sakte hain or ek hi jagah se dekh sakte hain.

WordPress Plugins Custom WordPress Login

Agar aapko lagta hai ki aapka wordpress login page bahot boring hai hai to aap is plugin ki madad se use personally custom design kar sakte hain. Background pic se le kar text, logo aap sab kuch apne aap custom design ki help se change kar sakte hain.

To ab aap logo ko pata hai ki vo kaun si plugins hai jo aapke website ko aage le jane or user experience ko accha karne me help karenge. Agar aap logo ko yeh pasand aaya ho to aapke liye hum log next tutorial me 10or aisi plugins le kar aane wale hain jo aapke kaam ko behad aasan bana deti hain!

Our Suggestion:

Read More:- 10+ Important WordPress Features Jo Aapko Jarur Pata Hona Chahiye

Agar aap log beginner hai to ek time pe 5-7 se zada plugins istemal na Karen. Kisi bhi plugin ko use karne se pehle uske baareme puri research kar len! Jo plugins Thrid parties se aati hai usme spam or viruses hone ka chance hai, to kisi bhi third party web se koi plugin apni website pe try na Karen! Kayi plugins aapke website ko slow kar deti hain, isiliye aapko jo bhi plugin install karna ho to aap uske bare me acche se research kar len.

LEAVE A REPLY

Please enter your comment!
Please enter your name here